Commission de contrôle: la réponse de Paul Giacobbi
(A redazzioni d'Alta Frequenza) - In un cumunicatu longu, Paul Giacobbi rispondi à Marie Antoinette Santoni Brunelli. Rammintemi chì quissa quì, à l'uccasioni di una cunfarenza di stampa hà annunziatu a so demissioni di a cumissioni di valutazioni è di cuntrollu di l'assemblea di Corsica. Sicondu u presidenti di l'Esecutivu, "tutti i mezi sò stati dati à a demissiunaria par ch'ella travaghjessi à u meghju". Eppuru, cuntinueghja quissu quì, "nisun raportu scrittu, nisun nota di sintesi, pruposta chjari o pricisa par asempiu sò stati dati à l'esecutivu". A maiò parti di a so intarvinzioni, cuntinueghja Paul Giacobbi, "era di criticà l'azzioni di a nova maghjurità". Aghjusta chì "un raportu nant'à l'uffizii è l'agenzi sarà prisintatu duranti a sissioni di i 6 è 7 di ghjunghju". Marie Antoinette Santoni Brunelli, dici quissu quì, "duvia cunnoscia sicuramenti iss'affari quì".
Sur le même sujet
