Collectivité unique : le sentiment de Pierre Jean Luciani
(A redazzioni d'Alta Frequenza) - Un accordu Storicu, si vidarà bè da quì à calchì mesi l'altezza esatta di u S, hè statu signatu ssu vennari, in principiu di dopu meziornu, da i trè cullittività i più impurtanti di l'isula. Torna mancu appena prubabili calchì ghjornu fà, a cullittività di Corsica è i dui dipartimenti si sò missi d'accordu nant'à un scopu cumunu : riescia insemi a custruzzioni di a futura Cullittività di Corsica, dendusi i mezi d'essa pronti pà u 1a di ghjinnaghju di u 2018. U testu, liminariu, induva ogni parolla è ogni virgula sò stati riflittuti, ùn laca micca spuntà u culori esattu di a riunioni di ssu vennari da mani, postu chì i quattru presidenti si sò cuntintati d'incalcà nant'à l'aspettu storicu di u mumentu. Pierre Jean Luciani hè statu ssu vennari da mani u centru d'intarressu di a riunioni, ellu chì hà purtatu duranti parechji mesi a ribellioni contr'à a cullittività unica, o in tutti i casi com'ella era stata difinita.
Parchì ssu cambiamentu? Steti à senta à Pierre Jean Luciani, u presidenti di u cunsighju dipartimintali suttanacciu.
