Codeci di u travaghju è urdinanzi : ghjurnata nova di mubilisazioni dumani
(Michaël Andreani - Alta Frequenza) - Ghjurnata nova d'azzioni à u nivellu naziunali ssu ghjovi à a chjama frà altru di i sindicati Force Ouvrière, CGT è Solidaires. Una mubilisazioni interprufiziunali di più contr'à l'urdinanzi nant'à u codeci di u travaghju, cù chjami à fà greva è à manifistà contr'à ssi rinculi suciali. Rispettu di i diritti di l'impiegati, lotta contr'à u disimpiegu o ancu crescita di u puteri di cumprà facini parti di i rivindicazioni di i sindicati. I sizzioni funzioni publica di ss'urganisazioni chjamani à una cunvergenza trà u publicu è u privatu pà fà crescia u raportu di forza cù u guvernu.
Steti à senta à Patrick Maurel pà a CGT di Corsica Suttana.
Sur le même sujet
