Clinique de Porto-vecchio : la micro-région reste mobilisée, les annonces de l'ARS peu convaincantes
I parsunala di saluta, l’eletti è altri sustegni lla maternità di Portivechju ùn sò stati cunvinti, mancu stampa, da i pruposti lla dirittrici di l’ARS.
Ani dittu chì i scinarii sposti ùn n’arrecani sicurità nè à a maternità, nè à l’urgenzi.
Par signalà a so sulidarità è fà attu di prutistazioni, i cabinetta midicali, i farmacii è ancu i scagni di certi eletti sò stati chjusi una parti llu dopu meziornu, marti.
À senta ni certi voci in u circondu, a scuntintezza pudaria ancu sbuccà à nantu à u blucchimu di l’aeruportu di Ficari.
Pà u diputatu Paul-André Colombani, medicu di mistieri, l’Agenza Righjunali lla Saluta devi à tutti conti sicurizà u mantinimentu lla maternità.
Steti lu à senta.
