Claude Papi, 30 anni...
(A redazzioni d'Alta Frequenza) - 30 anni fà, u 28 di ghjinnaghju di u 1983, Claude Papi, ghjucadori di lighjenda di u Sporting Etoile Club di Bastia, si n'andò à 33 anni. U leader di a famosa squadra bastiaccia avendu stunatu l'Auropa duranti a staghjoni 77-78 andendu fin'è a finali di a cuppa UEFA, hà lacatu un ricordu chì ùn si pudarà mai sguassà ind'a menti di ogni sustenidori, ma ancu di ogni corsu. Tennicu finu, ma dinò omu discretu appassiunatu da u tennis, da a caccia, Claude Papi era dinò innamuratu persu pà a so isula. È issu marcuri, un umaghju li sarà fattu ind'a so cità natali, Purtivechju, cù una partita di gala urganizata da a so famighja trà u Sporting Club di Bastia attuali, anziani ghjucadori bastiacci è a squadra di l'AS Purtivechju. Una bella manera di fà campà a mimoria di quillu chì avarà influenzatu tutta un'epica, una figura urighjinali ind'u mondu di u ballò, chì omu ùn pò più ritruvà oramai.
Écoutez Charles Orlanducci, ancien co-équipier et ami de Claude Papi, in lingua corsa.
Vous pourrez retrouver l’intégralité de cet entretien ce soir entre 19 et 20 heures, dans le cadre de notre émission C’est le Foot mardi.
