Citadelle d’Ajaccio : le dossier continue d’avancer
(A redazzioni d'Alta Frequenza) - A citadella d’Aiacciu, propiu prisenti inde l’imaghjinariu d’ogni aiaccinu hè dipoi sempri una parti chjosa di a cità è ferma dunqua torna oghji assai mistiriosa. Ughjettu di tanti fantasimi, hà da entra infini ind’u campu di a municipalità cù un’apartura tutali nant’à a cità. L’attu di cissioni da u ministeru di a difesa si farà in u 2017, ma un cumitatu di pilutami hè dighjà in ballu è i primi studii, o studii preliminarii sò stati prisintati a simana scorsa. Distrughja ciò chì t’hà nisun valori patrimuniali, tena è rinnuvà ciò chì pari intarissanti nant’à u pianu storicu, i scelti si farani à l’uccasioni di un pianu rializatu da una cullaburazioni stretta trà u Statu è a cità.
Steti à senta à Stéphane Sbraggia, prima aghjuntu à u merri d’Aiacciu.
