Cinq hectares détruits par un incendie à Santa-Maria di Lota
(A redazzioni d'Alta Frequenza) - Ssu sabbatu à sera à ondeci ori menu deci, una dibbiera in u paesi di Partine hè crisciuta assai par via di u ventu forti, inghjinnendu un focu. Hà mubilizatu fin'è vinticinqui omi, s'hè spargugliatu dopu nant'à a cumuna di Santa Maria di Lota. Casi sò stati prutetti, mentri chì à cinqui ori di mani, una casa abbandunata hè stata tocca à u nivellu di u so tettu. Una linea à tinsioni mezana hè dinò stata tocca, ciò chì hà fattu chì l'elettricità hè stata tagliata. Trà quattru è cinqui ettari sò stati brusgiati da ssu focu, chì hè cunsidaratu com'è fissatu da u SDIS di Corsica Suprana è chì ùn inchieta più pà daveru, postu chì u ventu ghjira inde un sensu menu negativu, mentri chì l'acqua hè aspittata pà dopu meziornu. Da un'antra banda, duranti l'intarvinzioni, un spinghjifocu di u centru di A Lucciana hè statu feritu à un ochju.
Sur le même sujet
