Chjama Patriotta : Sustegnu à a famiglia Peretti
Sustegnu à a famiglia Peretti di A Chjma Patriotta :
"Una famiglia di Corsi hè oghje minacciata d'esse cacciata fora di a so casa colp'à una cundanna è una campagna diffamatoria d'associi più primurati di caccià fora i Corsi chè da l'ambiente.
Issa famiglia, arradicata à a so terra, chì campa dapoi quasi dui seculi annant'à stu terrenu, in case custruite da i so antenati, hè cumposta da dui fratelli è d'a so mamma, oghje andicappata à 80%.
Mentre chì l'associi è i tribunali lottanu inseme per lampà fora i Peretti, francesi anu uttenutu permessi di custruì ghjust'accantu à stu terrenu.
Ùn pudemu sta muti di pettu à a disgrazia chì tocca sta famiglia.
Impetteremu ste logiche di spussessu urganizate da certi è assicuremu a Famiglia Peretti d'u nostru sustegnu è d'a nostra determinazione à vede li firmà in terra soia".
Sur le même sujet
