Le Direct

Chemins de Fer de la Corse et pompiers de Haute-Corse main dans la main autour d'une convention

Luni, i Camin’di Farru lla Corsica è u Sirviziu d’Incendiu è di Succorsu llu Cismonti ani furmalizatu, via una cunvinzioni, lienduli è scambii chì aghjà viaghjaiani.

I parsunala di u SIS2B ani da binifizià subitu è ufficialmenti di u trennu di rigalu pà i so traghjetta da a casa à u travaddu, è ani da furmà à i gesti di succorsu i parsunala lli CFC.

Una parti d’issa cunvinzioni hà da permetta à i parsunala lli CFC chì sò spinghjifoca vulintarii d’avè facilità in u so spartitempu par fà i so ghjiri di guardia.

Steti à senta à Jean-Baptiste Bartoli, u dirittori lli CFC.

I Camin’di Farru sò un sociu impurtanti di u SIS2B. Ci hè pocu, una cistarra farruviali di 12 000 litra hè stata pusiziunata à u Ponte à a Leccia, da pudè ghjuvà subitu par tutta a reti di i CFC di u Cismonti, è essa avvicinata à i foca pocu accissibili.

In più di quissa, i tarrena di Furiani ani da ghjuvà à a caserna pruvisoria chì sarà missa in anda da quì à dui sittimani, à torru à a gara.

L’affari hè privistu par durà sinu à ch’idda sichi rinuvata a caserna di Bastia.

Steti à senta u culineddu Pierre Pieri, dirittori di u SIS2B.