Charte Uniti Vinceremu : la réaction de Bastia 1905
(A redazzioni d'Alta Frequenza) - Stamani (marti) si tinia una cunfarenza di stampa cumuna di i dirighjenti è di i sustenidori di u Sporting Club di Bastia, accumpagnatu da l'intrenori, Frédéric Hantz, è di u capitanu di a squadra, Yannick Cahuzac. Quissa quì intarveni dopu chì un affari sia statu lampatu da un spettatori nant'à un arbitru duranti Bastia - Lille in Cuppa di a Lega a settimana scorsa è chì hà toccu l'unioni sacra inghjiru à u club, certi sustenidori avendu mal capitu chì u club avissi postu una lagnanza. D'altri sò stati assai scuntenti di u cumpurtamentu chì saria gattivu di certi sustenidori, chì ùn ani nulla à chì veda eppuru. Ed hè pà fà compia tuttu què chì i cumpunenti di u club si sò tutti aduniti inghjiru à una cartula chì duvarà essa appiecata da tuttu u mondu è sarà ancu integrata à i novi abbunamenti o à qualsiasi novu impiecu drentu à u club. S'è i ghjucadori pighjani l'ingaghjementu di rispittà i culori di u club è i sustenidori, d'altri impegni, impurtanti anch'elli, sò presi da i dirighjenti è i sustenidori. Com'è l'hà ditta u presidenti Pierre Marie Geronimi, qualsiasi parsona chì ùn rispittaria micca a cartula si mittaria di fattu fora di a famighja di u Sporting Club di Bastia. È i sustenidori, in ghjinirali, t'ani anch'elli una parti à rispittà, quilla di ùn usà più fumigeni è di ùn lampà più affari ver di u tarrenu. Una cartula firmata da Bastia 1905, u CSB, Diaspora Turchina, l'Amicali di i Sustenidori di u SCB in Parighji è Putenza Turchina, vali à dì tutti l'associ in attività. Bastia 1905, u gruppu u più numarosu è u più attivu, chjama dighjà i so membri à ùn usà più fumigeni dipoi a ricullata di u Sporting in Lega 2, un travaghju di privenzioni ricunnisciutu da i dirighjenti. È s'è Bastia 1905 ùn faci micca mea culpa, a rialisazioni di issa cartula hà parmissu di pona di modu chjaru i basi di ciò ch'ellu hè pussibuli di fà, o micca, ind'u stadiu di Lega 1.
On écoute Jean-Marie Prescelti pour Bastia 1905.
Sur le même sujet
