Chantier des exutoires à Ajaccio : quelques précisions techniques
(A redazzioni d'Alta Frequenza) - A cità d'Aiacciu hà da ritruvà da quì à calchì sittimana, sarà à u principiu di u mesi di ghjunghju, i so abitudini à u nivellu di a circulazioni stradali in intrata d'agglumerazioni è l'usadori di i camini di farru pudarani ripighjà com'è prima u so trena à a gara di u centru di a cità. U cantieru u più impurtanti chì ani diragnatu appena a vita di l'aiaccini, quillu di i scarichi di l'acqua piuvana, hè intrutu guasgi ind'a so ultima parti. I servizi tennichi di a cità, micca troppu avvezzi à gistiscia una tennicità simuli, si ni sò bè surtiti infini è a sparienza li ghjuvarà pà i cantieri futuri maiò à vena. Un elementu chì faci ch'elli viaghjani bè ssi travaghji, vali à dì i sfarenti fiumicelli, è par asempiu l'Albitrone, ùn sò micca stati troppu cuntrarii duranti l'inguernu.
Steti à senta à Jérôme Terrier, u direttori generali di i servizi tennichi di a cità d'Aiacciu.
