Chambre Régionale des Comptes : la ville d'Ajaccio, qui se trouve dans une situation préoccupante, doit maîtriser ses dépenses de personnels
A Camara Righjunali lli Conti hà fattu u so resucontu lla situazioni lla cità d’Aiacciu.
« Pà u periudu di cuntrollu (2017-2021), l’affidabilità di i conti hè tocca da manchenzi ch’iddu ci vurrà à curreghja », dici a CRC.
« Pà u stessu periudu, a situazioni finanziaria lla cumuna impinsirisci.
A poca dinamica di i incasci è u liveddu altu di i carichi di parsunali, chì c’entrini pà i trè quarti in i carichi di funziunamentu, limitighjani a capacità à fà. Ben’ ch’idda achi cuntinuvatu, a cullittività, à invistiscia di manera significativa pà issu periudu, a incapacità à fà surghja unu risparru nettu, liata à una capacità limitata à chjamà ni à un imprestu, impidichighja a cità in a so capacità à purtà una pulitica d’invistimenta à longu andà », pricisa a Camara.
« S’idda voli purtà à termini i so prughjetti strutturanti, a cumuna devi assanà i so finanzi fendu surghja incasci novi è, nanzi tuttu, ammaistrendu i so spesi di parsunala. Ci sò i pussibilità par attarzà, agindu à nantu à u tempu di travaddu di l’agenti è riducindu u costu di l’assenteismu », dici in chjudenda a Camara.
