Chambre des Territoires : une réforme en juin pour essayer de relancer l'institution
A Camara di i Tarritoria, da quand’idda ci hè, ùn hà una vita cusì faciuli, nè mancu passiunanti.
Criticata parvia di a so poca utilità è di a so sola funzioni cunsultativa, pari un pocu lazza, è sò parichji l’eletti à ùn andà ci.
Par circà à ridà fiatu à a stituzioni, hè stata validata una riforma. Di ghjunghju, duvaria cambià in tuttu. Eletti di l’assemblea ci ni sarà menu, da fà piazza à l’intercumunalità. A CAB è a CAPA t’avarani trè posti, è l’altri intercumunalità dui.
Si sà dighjà chì, pà a cumunità di cumuni di u suttanacciu, ci sarà oramai Jean-Charles Orsucci.
Sin’ad avali, ùn erani riprisintati certi cumunità di cumuni, postu ch’idd’ùn erani chè ottu i merra à a Camara lli Tarritoria.
Gilles Simeoni hà pridicatu pà un bicamarismu, cù ùn passa è veni da ch’idda posca, a Camara lli Tarritoria, fà validazioni di i pruposti di l’Assemblea di Corsica.
Don-Marc Albertini, u merri di Ghisoni è figura attiva di a Camara, spera ch’iddi pirmittarani, issi cambiamenta, di dà una piazza rinova à a stituzioni.
Steti lu à senta.
