Le Direct

Centre de tri de la Poste Bastia-Cap : après dix-neuf jours, le conflit continue sur fond de négociation

A greva dura chì sò dicenovi ghjorna, à u centru di scumpartimentu lla Posta di Bastia-Capicorsu. U currieri hè distribuitu à pocu à pocu da i quadri mandati da a dirizzioni, è i pacchetti sò rimissi supr’à locu à chì veni à circà li.
Ma a manera di fà, masimu par ciò chì tocca à a distribuzioni llu currieri, ùn cunveni à i sindicata. Iddi dicini chì cussì, si torci u drittu di greva.
Issu marti, quantunca, si sò accolti dirizzioni è sindicata da circà à truvà una suluzioni, par escia ni da u cunflittu. In prima, erani deci i partenzi à a ritirata à ùn essa rimpiazzati. A dirizzioni hè falata sinu à quattru, ma i sindicata vurriani mantena tutti i impiechi. Ùn ani da essa simplici i niguziati chì, à senta i sindicati, uttanta partenzi à a ritirata ùn sarani rimpiazzati da a posta, da quì à u 2020.
Dici Jean-François Bonanno, fattori è diligatu sindicali chì, ancu puri calendu a quantità llu currieri, ùn hè una raghjoni par supprima posti.
Stemu lu à senta.