Centre de stockage de Vico : vers un recours à la force publique ?
(A redazzioni d'Alta Frequenza) - In un cumunicatu, u SYVADEC faci sapè chì l’urdinanza di u 26 di dicembri di u 2015 di u ghjudici spicializatu di u tribunali amministrativu di Bastia l’hà autorizatu à dumandà l’intarvinzioni di a forza publica s’ella duvia essa nicissaria pà libarà l’accessu à u ruminzulaghju di Vicu. U SYVADEC ramenta ch’ellu hà missu in ballu dipoi u luni u 27 suluzioni alternativi pruvisorii par ùn ghjunghjani micca fin’è quì. Ma, l’attitudini ricenti di i cullittivi di Vighjaneddu è di Prunelli, chì ùn volini micca veda più di 120 tunnellati à ghjornu di rumenzuli intarrati in i so siti, ùn parmetti più di metta in opara ssa suluzioni. U presidenti di u SYVADEC, François Tatti, dumanda dunqua à u prifettu di Corsica Suttana a pussibilità d’aduprà a forza publica s’ella duvia essa nicissaria, pà parmetta un accessu libaru à u ruminzulaghju di Vicu.
Sur le même sujet
