Centre de Beddivalli : la DGAC contre !
(A redazzioni d'Alta Frequenza) - Com'ella l'avia fattu pà l'affari dittu di u tarrenu Allegrini, ssu tarrenu in Caldaniccia induva si duvia custruiscia un "quai" di trasferimentu di rumenzuli, a DGAC, Direzzioni Ghjinirali di l'Aviazioni Civili - hà ricusatu a stallazioni di un ruminzulaghju in Beddivaddi nant'à a cumuna d'Albitreccia. A raghjoni ammintata da l'amministrazioni chì gistisci a securità aerea hè a listessa : u risicu aviariu, vali à dì a prisenza impurtanti d'acelli nant'à ssu gennaru di situ, hè troppu maiò pà ssi lochi d'evuluzioni di l'avviò. L'associ chì s'upponini à ssa stallazioni ani manifistatu calchì ghjornu fà inde l'aeruportu d'Aiacciu pà fà valè ssa dicisioni impurtanti.
Steti à senta à Nicole Chana, vici presidenti di l'associu Le Garde.
Sur le même sujet
