CCI 2A: grève dans les transports mardi prochain
(A redazzioni d'Alta Frequenza) - Ci sarà forsa una greva marti ind'i porti è l'aeruporti di Corsica Suttana à a chjama di i sindicati FO è UNSA di a Camara di cumerciu. Si dici bè forsa, parchì un arrigulamentu pusitivu di l'affari ferma pussibuli s'è a direzzioni pighja in contu i dumandi di i parsunali. Ci voli à sapè chì u statutu di i parsunali hè in traccia d'essa neguziatu torna di pettu à a riforma naziunali di i Camari di cumerciu. S'è fin'è oghji ogni camara t'avia u so statutu stessu, ci vularà avà chì tutti t'avessini u listessu à u nivellu naziunali. Ma ci hè un prublema, ed hè maiò: u statutu di a Camara di Corsica Suttana era piuttostu pusitivu pà i parsunali è a rineguziazioni di quissu quì si farà di modu sicuru solu pà sbuccà nant'à una perdita. Una situazioni chì ùn pò essa accittata dinunziata frà altru da Force Ouvrière, cù a voci di Pierre Giacometti u so secretariu ghjinirali pà a CCI.
Ecoutez-le.
