Cauro : Pascal Leccia réclame le départ de Nathalie Leonetti
(A redazzioni d'Alta Frequenza) - Pascal Leccia, candidatu à l'alizzioni municipali parziali urganizata in Cavru di nuvembri scorsu, tinia issu marcuri una cunfarenza di stampa. Iss'ultimu, chì avia vintu cù 63% di i voti, avia vistu scappà u postu di merri, presu da l'anziana prima aghjunta di u merri chì avia demissiunatu, Nathalie Leonetti. Pascal Leccia avia postu tandu una dumanda à u tribunali amministrativu di Bastia, da fà chì l'alizzioni sighi micca validata parchì Nathalie Leonetti era stata impiecata da u 25 di ghjunghju di u 2012 à u 19 di nuvembri in quantu chì capi serviziu di a gistioni amministrativa à a Cullettività Tarrituriali di Corsica, è chì, avendu demissiunatu solu à partasi di iss’ultima data, t’avarà a pussibilità d’essa eletta solu à partasi di u 19 di maghju di u 2013. U tribunali amministrativu avendu datu raghjoni à Pascal Leccia, iss'ultimu dumanda oramai l'appiecazioni di issu ghjudiziu subbitu, è dunqua a partenza di Nathalie Leonetti, nanzi di veda novi alizzioni urganizati.
Ecoutez-le.
Sur le même sujet
