Catastrophe de Furiani : ça avance dans le bon sens
(A redazzioni d'Alta Frequenza) - Prima riunioni arimani (ghjovi) di u cumitatu di seguitu di a Federazioni Francesi di Ballò nant'à a catastrofa di Furiani. Noël le Graët, u presidenti di a Federazioni, era à u capu di issa riunioni ind'a quali c'erani i raprisintanti di u mondu di u ballò, di a stampa è Lauda Guidicelli, Josepha Guidicelli è Didier Grassi pà u cullettivu di i vittimi. Hè spuntata una vera vulintà di l'insemi di l'attori di pighjà in contu issa data di a quali ani capitu l'impurtanza, sicondu u cullettivu di i vittimi, dopu à issa riunioni. Quissi quì parini avè capitu chì ùn si pudia micca pinsà chì scontri da dà un titulu o una cuppa si ghjuchessini u 5 di maghju pà u sempri. Prima dicisioni di issu cumitatu, quilla d'urganizà manifestazioni inghjiru à issa data quì, com'è cullochii intornu à u ballò par asempiu. Prossima riunioni di issu cumitatu di seguitu principiu di lugliu.
Sur le même sujet
