Casatorra : le bout du tunnel est proche
(A redazzioni d'Alta Frequenza) - A storia di u tunnellu di Casatorra hè una di quilli tragicomichi cusì spicifichi guasgi à a Corsica. In fatti, mentri chì u cantieru hè compiu à 91%, a simana passata, u latu geniu civili di u marcatu hè statu annulatu dopu à u ricorsu purtatu davanti u tribunali amministrativu di Bastia da l'intrapresa Natali. Aspittendu chì a Corti d'Appellu amministrativa asaminessi l'appellu di a CTC è a so dumanda in suspensioni di a dicisioni, suluzioni sò stati trovi malgradu tuttu pà andà versu una cunclusioni pusitiva. Cuncirnendu u tunnellu, u geniu civili hè abbastanza avanzatu pà pudè apra quandu u catramu sarà compiu, vali à dì principiu nuvembri, postu chì u marcatu publicu nant'à u so latu catramu vali sempri. Cuncirnendu u ghjiratoghju, à listessu tempu, una virsioni d'urghjenza di una via sola sarà missa in ballu. Una suluzioni pà falla finita cù un ingorgu tremendu è guasgi permanenti.
Steti à senta à Gilles Simeoni, u presidenti di l'Esecutivu di Corsica.
