Casabianda : le cas de Philippe Franchini toujours en suspens
A ET R: Casabianda : le cas de Philippe Franchini toujours en suspens
Marcuri, Philippe Franchini, u so avucatu Pierre-Antoine Perès, è Bernard Giansily l’avucatu di a so cumpagna, ani spiicatu à chì n’hè u cunflittu chì metti u coppiu in cunfrontu cù a dirizzioni di a prighjoni di Casabianda è cù u ministeru lla ghjustizia.
Pari ch’idda sichi risolta a situazioni par Christine Escamilla, a cumpagna di Philippe Franchini : Bernard Giansily hà ricivutu un arrestu di prucidura d’esecuzioni furzata di a mutazioni ch’idda dumandeti da a prighjoni di u Borgu, è chì hè stata uttinuta di manera difinitiva da a ghjustizia.
Trattendu si di Philippe Franchini, missu d’uffiziu in dispunibilità da a so dirizzioni à mutivu d’incapacità fisica, dici Pierre-Antoine Perès ch’idda u impinsirisci a situazioni attuali.
U tribunali amministrativu hà suspesu issa dicisioni da ch’iddu sichi rivistu u casu di Philippe Franchini da quì à un mesi.
Ma si quistiunighja u so avucatu, postu chì u medicu spertu in carica d’iss’asaminu hè quiddu ch’hè intarvinutu in a prima dicisioni.
Dumanda dunqua ch’iddu sichi sceltu un altru spertu, in prifirenza spicialistu d’ortopedia, da pudè accirtà ch’iddu pò, u so clienti, cuntinuvà à fà u so travaddu, prividindu accunciamenta.
Par Pierre-Antoine Perès, uni pochi di circustanzi indittani ch’iddu si faci pagà à u so clientu u so impegnu sindicali.
Steti à senta à Pierre-Antoine Pérès.
Sur le même sujet
