Cap sur la science ouverte avec la revue numérique Lumi
LUMI hè una rivista numerica chì pidda u solcu scintificu di l’Università di Corsica è di l’UMR LISA, via u prughjettu Paoli-Napulionu, chì aghjà hà pruduttu parichji siminaria è culloqui internaziunali, accunciati di manera transdisciplinaria in ghjiru à issi dui figuri storichi, ma ancu in ghjiru à i Lumi è i Rivuluzioni.
Hè à st’epica ch’iddi si sò sviluppati l’ideulugii chì ani strutturatu, à liveddu puliticu è culturali, i paesa uccidintali.
Bastaria un esempiu à dà ni prova : i Lumi francesi è taliani, chì t’aviani un sguardu altru à a rilighjoni, ani inghjinnatu formi di laicità beddi distinti, oghji sempri.
A rivista si scrivi in a pulitica di l’UNESCO à prò di a scenza aparta è di a dimucratisazioni di u sapè, in u quadru d’una catedra à nantu à i « Duvintà in lu Maritarraniu ».
LUMI pruponi dunqua una riflissioni larga è aparta à nantu à a storia, a suciulugia, è i dibattiti attuali.
Steti à senta i pricisioni di Jean-Guy Talamoni, in carica di a rivista LUMI.
Sur le même sujet
