Cannes - Salines : Les grands travaux !
(A redazzioni d'Alta Frequenza) - A Cità d'Aiacciu, in rilazioni cù i servizi di u Statu, cuntinueghja i so travaghji di rinnovu urbanu. I quartieri cuncirnati, in u quadru di u prugramma attuali, cuncernani a sapemi i quartieri di i Canni è di i Salini. Cù quilli intrapresi da EDF, sò intarrati i ligni à tinsioni mezana, ssa parti di a cità cunnosci un'attività forti. A municipalità s'hè spiazzata stamani sopralocu pà fà un puntu nant'à ssi travaghji. Riparazioni di a strada, missa à nivellu di i reti d'acqua usata o micca, rialisazioni è accunciamentu di piazza è di parkings, lumi publicu è mubiliariu urbanu, ssu cantieru maiò chì tocca parechji parti impurtanti di a cità si devi rializà senza disturbà troppu l'abitanti.
Steti à senta à Laurent Marcangeli.
Sur le même sujet
