Canicule : la Haute-Corse en vigilance jaune jusqu'à dimanche
Issi pochi ghjorna, si hè fattu più grevu u caldu. À tal’puntu chì u Cismonti hè statu missu in vighjulanza giadda pà i caldamoni.
U prifettu l’hà fatta sapè à tutti i merra llu dipartimentu, à i sirvizia d’urgenza, à i succorsa è à l’associ di prutizzioni civili llu Cismonti.
L’ARS hà dumandatu à i stabilimenta di saluta è spidala di virificà u bon’funziunamentu lli climatisazioni, è d’essa attenti à i chjami tilifonichi à u 115.
A DIRECCTE si hè arricumandata à i patroni, da ch’iddi mettini in anda i misuri nicissarii di privinzioni.
Pà i dui ghjorna à vena, è sinu à duminica matina, hà da cuddà sempri a timpiratura, masimu in l’internu. U puntu u più altu pudaria affaccà trà sabbatu, u 1u d’austu, è duminica matina, u 2 d’austu.
U prifettu dumanda dunqua à ugnunu di fà attinzioni bè. U piriculu ci hè à veru, masimu pà i più anziani, par quiddi chì t’ani malatii cronichi, quiddi chì t’ani i pinsera di sennu o ghjudiziu, quiddi chì piddani rigularmenti i midicini o ancu i parsoni scantati.
Sur le même sujet
