Campagne PS : l'ordre de marche
(A redazzioni d'Alta Frequenza) - A vera falsa infurmazioni chì avia fattu spariscia da u calendariu corsu u forsa futuru presidenti di a republica hè stata mudificata oghji (marcuri); François Hollande sarà bè in Corsica u 24 di marzu da fà ci una riunioni publica è a cità d'Aiacciu hè a più prubabili. Aspittendu à què, tuttu u mondu hè prontu nant'à u vascellu isulanu di u PS da fà cunnoscia nant'à u pianu lucali una campagna chì hè oramai bè lanciata. A pulitica di u presidenti attuali sarà u puntu d'attaccu prifiritu di tutti i militanti sucialisti. D'altrondi, un librettu chì adunisci i 60 ingaghjamenti fermi di u candidatu Hollande sarà largamenti distribuitu, è cumintatu à l'uccasioni di tutta una seria di riunioni publichi. Si porta o micca una campagna prisidinziali in Corsica com'è in altrò? Hè a quistioni ch'è n'emi posta à Jean-Marc Ciabrini, secretariu ghjinirali di a Federazioni PS di Corsica Suttana.
Écoutez Jean-Marc Ciabrini
