Cadeaux de Noël : du nouveau...
(A redazzioni d'Alta Frequenza) - L'UFC que Choisir hà publicatu oghji (luni) un cumunicatu chì pudaria fà svaniscia a magia di a festa di Natali ma chì currispundi malgradu tuttu à un fenomenu di sucità più cà veru. In fattu, hè meghju di ùn sbaghjà si micca di rigalu parchì chì, una volta l'affari cumpratu, ùn ci hè nulla chì ubligheghja u cumircianti à ripighjà lu. Eppuru, sò numarosi à prupona issa suluzioni quì. In issu casu quì, hè pussibuli di scambià o ancu di fà si rimbursà un articulu chì ùn piaci micca o chì hè statu ricivutu in doppiu, à cundizioni d'accumpagnà lu di u ricivutu di cascia o di a fattura. I panni è l'apparechji poni essa stati pruvati, ma i CD, DVD, ghjoculi videò è lugiziali devini essa rivultati sarrati ind'u so pacchettu d'urighjini. In casu di compra à distanza (via Internet o par currispundenza) a legi cambia. Quillu chì compra t'hà à partasi da issu mumentu 7 ghjorni pà rifletta. Hè pussibuli da issu modu quì di vultà l'articulu senza avè à ghjustificà a so decisioni è d'uttena ni u scambiu o di fà rimbursà (iss'ultimu affari devi essa fattu sottu à un mesi). Bisogna à fà casu è à rispittà bè i dimarchji fissati da u cumircianti. Hè in fatti nicissariu à spessu di chjamà à u serviziu clienti è di scriva un numaru di ritornu nant'à u pacchettu. Inde issu casu quì, i spesi di ritornu fermani à a carica di u clienti.
Sur le même sujet
