Budget participatif de Bastia : trois projets retenus, un autre réalisé hors-concours
Ghjovi, sò stati resi publichi i prughjetti primiati di u bughjettu participativu di Bastia. Voti, ci n’hè statu 1 192, è si sò pussuti classificà dodici prughjetti.
Trè d’issi prughjetti s’ani da sparta i 220 000€ di u bughjettu participativu.
Primu primiatu è primu lla classifica, a piantazioni d’arburi in cor’di cità.
Sicondu primiatu è terzu lla classifica, a riabilitazioni di i miridiani di a Citadella., Terzu primiatu è quintu lla classifica, a comprita di deci dispusitivi par fà mostri fotograffichi maiori in fora.
U sicondu prughjettu, chì privedi di schjarì a falata di Ficaghjola, si farà via u bughjettu abituali.
Steti à senta à Pierre Savelli, u merri di Bastia.
A diligazioni à a dimucrazia participativa si rallegra di a participazioni à issu votu di a pupulazioni, chì si ferma stabili.
A dimucrazia participativa, chì pidda ancu formi altri, si faci evulutiva da risponda à l’attesi di i bastiacci.
Steti à senta à Antoine Graziani, cunsiglieri municipali diligatu à i quistioni di dimucrazia participativa.
