Budget de la CDC adopté sans l'amende Corsica Ferries :l'exécutif persiste et signe avec le soutien de Core in Fronte
Ghjovi, l’assemblea di Corsica hà validatu u so bughjettu supplimintariu cù i voti di « Fà Populu Insemi » è quiddi di « Cori in Fronti ». U gruppu « Avanzemu » ùn hà participatu à u votu, è « Un Soffiu Novu » hà vutatu contru.
L’avia annunciata l’esecutivu, è n’hà datu cunfirma oghji : i 86 miliona ch’iddu si devi à a Corsica Ferries ùn sò stati scritti à issu bughjettu.
U statu, rispunsevuli, devi pagà iddu, hà dittu Gilles Simeoni in a so prisintazioni ginirali. U prisidenti di l’esecutivu hà dittu ch’iddu si trattaia chivi d’una quistioni pulitica è filusofica.
Steti lu à senta.
Un Soffiu Novu hà vutatu contru. Pà Jean-Martin Mondoloni, ci voli à dì a virità à i corsi. Ùn iscriva micca issa somma rivenu à publicà un bughjettu insinceru, hà dittu l’elettu d’uppusizioni. È l’affari mittarà a stituzioni ancu di più in a difficultà. Jean-Martin Mondoloni, chì ùn cuntesta a rispunsabilità di u statu, cuntesta u metudu di l’esecutivu.
Steti lu à senta.
Paul-Félix Benedetti è u gruppu Cori in Fronti ani sustinutu a scelta di l’esecutivu.
Oghji u statu devi assuma. È ancu a Corsica Ferries, chì hà prufittatu bè di a Corsica sinu ad oghji
Steti à senta à Paul-Félix Benedetti
Jean-Christophe Angelini, u capifila llu gruppu Avanzemu, si hè dittu à pena dubitosu di pettu à u metudu di l’esecutivu. U merri di Portivechju vurria di più chjarura, è rigreta chì u dialugu prumissu da a maiurità ùn si sichi apartu.
Ci voli à cambià a manera di fà, hà dittu l’elettu, chì no’ stemu à senta.
Sur le même sujet
