Le Direct

Bonifacio : très important incendie, des évacuations préventives

(A redazzioni d'Alta Frequenza) - Hè partutu un focu impurtanti ssu marcuri à sera versu 11 ori in Bunifaziu. Hà dighjà distruttu una vintina d'ettari. Mezi di succorsu impurtanti sò ingaghjati di i centri di Bunifaziu, Purtivechju, Pianottoli è aiuti di a Drôme, vali à dì 90 omi). Un postu di cumandamentu hè statu missu in ballu sopralocu, ma dinò un sustegnu sanitariu. Pà misura di privenzioni, casi vicini sò stati sbiutati da i so abitanti duranti a nuttata, si tratta di i quartieri San Ghjuvanni è Ciappilli. A municipalità hà missu à dispusizioni u COSEC pà pudè accoglia i parsoni cuncirnati. A circulazioni hè stata tagliata trà a dipartimintali 58 è a dipartimintali 260 in u locu dittu Monte Leone, è dinò à u nivellu di u quartieru San Ghjuvanni. Mezi aerei sò aspittati stamani. (Ritrattu SDIS 2A)