Bonifacio : le tribunal administratif de Bastia déclare le PLU de la commune illégal dans sa totalité
U tribunali amministrativu di Bastia hà resu ghjovi a so dicisioni, par ciò chì tocca à u Pianu Lucali d’Urbanismu di Bonifaziu, chì hè dunqua statu dichjaratu integralmenti for’di legi.
U tribunali rispundia à una dumanda di l’associu u Livanti, chì dumandaia l’annulazioni llu ricusu llu merri di Bonifaziu, ch’ùn ni vulia chjamà à u so cunsigliu municipali par abuliscia u PLU, validatu in u 2006 è mudificatu parichji volti, sinu à 2015.
U tribunali hà ghjustificatu a so dicisioni via parichji dispusizioni lla legi litturali è di u PADDUC.
U tribunali hà trovu chì era sprupusitatu u passaghju in zona di custruttibilità par più di 1 000 ettari, chì l’affari pudaria apra a porta à una crescita lla pupulazioni lla cumuna di 60 %. Quissa chivi ùn hè cuddata chè di 11 % in 10 anni.
Pà a ghjustizia, aprindu à l’urbanisazioni parichji sittori lla cumuna, longu à u litturali è in ghjiru à certi pasciali fatti à casi sparguddati, l’autori llu PLU ani favurizatu una stesa urbanistica chì ùn permetti di tena si ni à l’ughjittivi di sviluppu à longu andà privistu da a legi.
Sur le même sujet
