Bonifacio : collision en mer dans le golfe de Santa Manza
(A redazzioni d'Alta Frequenza) - Inticciu in mari à a fin di a ghjurnata (luni) ind'u golfu di Santa Manza in Bunifaziu. Un trimaranu talianu è un battellu olandesi si sò tocchi par raghjoni sempri scunnisciuti. Chjamatu in furia, u Cross Med hà cuurdunatu i succorsi pà andà à aiutà i vittimi : u battellu di i dugani, quilli di a gendarmeria, di u Parcu Marinu, di a SNSM di Purtivechju è di a sucità d'assistenza privata di Cavallu. Tredici parsoni, novi nant'à u trimaranu talianu, è quattru nant'à u battellu olandesi, sò stati succorsi ; ss'ultimu hè statu u più toccu, cù un tafonu è un principiu di focu ammaistratu à lestra malgradu tuttu, prima d'affundà si. Da nutà chì una ghjuvanetta di 16 anni, ferita à a spalla, hè stata traspurtata à a clinica di U Spidali.
Sur le même sujet
