Blessure par balles à Porto-Vecchio : un homme en garde à vue
(A redazzioni d'Alta Frequenza) - Un omu hè statu feritu da balli arimani dopu meziornu (ghjovi) in Purtivechju. Ci sariani stati pistulitati ver di a vittima dopu à una disputa ind'un bar, quissa quì essendu stata tocca à i ghjambi. L'omu feritu, di quarantasei anni, hè statu purtatu à a clinica di U Spidali; a so vita ùn hè micca in periculu. U tiradori suppostu, ricircatu è identificatu in furia, s'hè resu in fin di dopu meziornu à a brigada di gendarmeria duv'ellu hè ritinutu oramai. L'inchiestadori pruvarani à cunnoscia oramai i causi esatti di ssa lita.
Sur le même sujet
