Biomasse: une révolution à venir
(A redazzioni d'Alta Frequenza) - L'Uffiziu di Sviluppu Agriculu è Rurali di a Corsica è u Centru righjunali di a Prupietà Furestiera ani prisintatu arimani (marti) i novi arnesi pà accumpagnà è aiutà u sviluppu di a filiera furestiera isulana. Ssi misuri t'ani com'è scopu d'aiutà i prupietarii furestieri, 70% quantunqua di a superficia furestiera di l'isula, à metta in piazza ciò chì si chjama piani di gistioni simplici. I dui partenarii ani prisintatu dinò un studiu rializatu da u laburatoriu u più impurtanti di Francia in a materia, quillu di Bordeaux. Di manera scentifica, u Lariciu hè ricunnisciutu com'è u legnu u più bonu, micca di u mondu par avà - i paragoni sò sempri in corsu - ma in tutti i casi d'Auropa, ni riparlaremi. Ùn era mica l'ughjettu di a riunioni d'arimani ma s'hè parlatu dinò di ciò chì pudaria essa una vera rivuluzioni ecunomica pà a Corsica sana: l'usu di a biomassa pà fà elettricità. Affari missu da cantu duranti dicennii, ssa tennulugia hè crisciuta assai ed hè oghji matura. Di chì si tratta? Hè ciò ch'ellu ci dici Jean Pierre Mufraggi, rispunsevuli di u gruppu ben cunnisciutu di u listessu nomu.
Steti à senta à Jean Pierre Mufraggi.
