Biguglia : Jean-Charles Giabiconi nouveau maire après quarante-quatre ans de règne de Sauveur Gandolfi-Scheit
Duminica, in Biguglia, si hè ghjiratu una pagina, certi diciariani ancu si hè chjusu un libru di a storia llu paesu.
Jean-Charles Giabiconi hè statu elettu merri da u novu cunsigliu municipali.
Cusì si sò compii i quaranta quattru anni di regnu di Sauveur Gandolfi -Scheit à nantu à issa cumuna.
Sauveur Gandolfi-Scheit avia dimissiunatu di u so mandatu di merri u ghjornu dopu à l’alizzioni, ma hà ancu dimissiunatu di u so novu mandatu di cunsiglieri municipali, è ùn c’era dunqua pà a stallazioni d’issu cunsigliu chivi.
Jean-Charles Giabiconi, dopu ad avè salutatu à Ange-Paul Peretti, chì hè statu merri issi dui mesa, hà fattu cunnoscia a so vulintà di chjarura.
In lu publicu beddu numarosu, sò stati rimarcati certi parsoni : Pierre Savelli, u merri di Bastia, u diputatu è sicritariu naziunali di Femu a Corsica Jean-Félix Acquaviva, è ancu u prisidenti di l’esecutivu lla Corsica, Gilles Simeoni.
L’evenimenti, à senta ni u merri novu, ani ciambuttatu un pocu i priurità : u primu impegnu sarà dunqua quiddu di a riintruta, ch’idda sichi sculara o culturali.
Steti à senta à Jean-Charles Giabiconi, u novu merri di Biguglia.
