Beauvau : vers une loi organique
Cù u pranzu di luni à sera in Beauvau, si sò finiti i discursati trà l’eletti corsi è u ministru darmanin.
U scrittu validatu dopu à cinqui ori – trà cena è dibattiti – parla, à senta ni à gérald darmanin, d’un « puteri nurmativu spicificu à a Corsica, ch’iddu sichi lighjislativu o rigulamintariu ».
Issu puteri devi essa tinutu da una legi urganica. Hè da nutà issa pricisioni impurtanti : à ugni misura presa, l’assemblea corsa ùn avarà bisognu di vultà davanti à u parlamentu.
Pricisa quantunca u ministru ch’idd’ùn ci ani da essa dui catigurii di civiti. « Ùn ci hè a nuzioni di Populu Corsu, ma ci hè quidda di cumunità culturali ». Cusì, hè ancu missu à u scartu u « statutu di risidenti ».
« A scrittura custituziunali privedi chì l’alittori scritti à nantu à i listi alitturali di Corsica sichini cunsultati pà issu prughjettu » hà dittu u ministru di l’internu.
Fermani quantunca uni pochi di mumenta impurtanti innanzi di ghjunghja ci : a prumulgazioni d’una legi di riforma custituziunali, un passaghju davanti à l’assemblea corsa, unu davanti à u cungressu è a cunsultazioni di i corsi.
Bastarà dopu à sapè di chì sarà fatta issa legi urganica à vena, è à veda ancu ch’idda ùn sichi viota d’autunumia vera.
Steti à senta à gérald darmanin.
Sur le même sujet
