Bastia : une pharmacie de centre-ville ouvre une cabine de télémédecine prisée par les patients
Sei à setti parsoni à ghjornu, eccu quant’iddi sò à passà in a cabina di telemidicina di a farmacia Balesi, in Bastia.
Hè stata a prima farmacia llu centru cità à prupona la, un mesi fà, è i so prupriitarii sò beddi surpresi di veda quant’iddi sò i parsoni à aprudà la dipoi a so apartura.
Issu successu, soca ch’idda veni ancu à spiicà lu a mancanza di i duttori, ancu in cità.
Cù iss’arnesu, basta un quartu d’ora par essa in cunsultazioni cù un medicu, giniralistu o spicialistu.
Ben’intesa, ancu puri ch’idda t’achi parichji strumenta da permetta à u medicu di fighjulà da luntanu, cù issa cabina - d’un valori di 50 000€ - ùn si poni trattà chè affari senza tanta gravità, è virifichevuli à distanza.
Un’urdinanza par trattamentu o asamina pò essa fatta subitu, par casu ch’idda ci volga.
Steti à senta à Elise Senaux-Balesi, spiziali è girenti d’issa farmacia.
Sur le même sujet
