Bastia : un professeur du collège Giraud menacé d'égorgement par la mère d'un élève
Marti, à u culleghju Giraud in Bastia, hè andata sversa a riunioni di fin’di trimisata trà parenti è prufissori : u prufissori principali d’una classa di quarta hè statu minacciatu di morti.
I parenti d’un elevu l’ani rimpruvaratu a punizioni di u so fiddolu. À senta ni una cumunicazioni di i prufissori, a mamma avaria fattu minaccia, davanti à tistimonii, di pulsà u prufissori. U babbu hà lintatu minacci altri, parlendu di a pussibilità d’atti viulenti à a isciuta di u stabilimentu.
U prufissori minacciatu hè statu missu in prutizzioni funziunali, è hà fattu valè u so drittu di ritiru. U principali di u culleghju hà spostu lagnanza.
I sustegni ci sò stati in quantità : quiddu di i prufissori di u liceu Giocante, di u culleghju Vinciguerra, o ancu quiddu di parichji attori pulitichi.
Pà u diputatu Jean-Félix Acquaviva, ùn si pò tullarà, accità iss’affari. Issi maneri devini essa cundannati, è righjittati da tutti. Devini essa sanziunati di manera ferma ».
Julien Morganti spieca chì « hè ora ch’iddi sichini ristabiliti l’ordini è l’auturità, in i stituzioni di u nosciu paesu ».
Pà u PNC, « Si pinsaia ch’idd’ùn pudissini ghjunghja ind’è no’ iss’andamenti, impurtati da certi pirifirii francesi. I ricusemu di manera chjara. Sò cuntrarii à i nosci valori è à contrasensu di a noscia idintità culturali ».
