Bastia : nouvelle opération de stickage et d'enlèvement de voitures ventouses et d'épaves dans les résidences HLM
I vitturi staziunati à longu andà è quiddi à ribaldonu sò un veru casticu in Corsica, masimu in Bastia.
Una nova uparazioni da signalà li è caccià li, l’avviani a prifittura llu Cismonti, l’Uffiziu di l’abitatu è l’appighjunadori suciali. L’ughjittivu hè d’idintificà issi vitturi, po’ di lacà una sittimana à i prupriitarii par caccià li. Passata issa sittimana, u prupriitariu si busca una cuntravinzioni è a vittura hè missa in dipositu.
Uparazioni cumpagni, si n’era aghjà fattu, ma sta volta hè altra a cadenza, chì si circa à signalà 20 vitturi à sittimana.
Quist’annu, a mità di i 150 vitturi signalati sò stati cacciati da i prupriitarii.
Uparazioni contru à issi vitturi staziunati à longu andà, n’hè privistu parichji in Cismonti. A prifittura, chì ni faci una chistioni di sicurità publica, vuria caccià 800 vitturi à l’annu à nantu à u dipartimentu.
Steti à senta à Magali Chapey, a dirittrici di cabinettu llu prifettu llu Cismonti.
L’uffiziu di l’abitatu dici ch’iddi sò 200 i vitturi staziunati à longu andà o à ribaldonu, à nantu à u parcu HLM di Bastia.
Juliette Ponzevera, a prisidenti di l’Uffiziu, dici ch’iddu ci voli à essa più fermi è à caccià di più vitturi.
Steti la à senta
