Bastia : nouveau départ pour les Restos du Cœur, dotés de nouveaux locaux
Dipoi uni pochi di ghjorna, i parsoni binifiziarii di i distribuzioni di i Restos du Coeur in Bastia ani pussutu scopra i lucala novi di l’associu, dopu à quindici anni passati in i lucala vichjoni di Montesoru.
Oramai, l’attività di l’associu si hè trasfirita à nantu à u viali di a Libarazioni, par goda si unu spaziu di 700m². I 550 000 € di travadda, l’ani finanzati u statu è a cità di Bastia.
Issu cambiamentu di lucala, ùn c’era arti di sfrancà si ni, à senta ni à Pierre Savelli, u merri di Bastia.
Issi lucala, muderni è spaziosi, ghjunghjini beddu à prupiziu : cù a crisa ecunomica, sò fraquintati sempri di più i Restos. Trà u 2020 è u 2021, à nantu à u situ dipartamintali llu Cismonti, i binifiziarii sò crisciuti di 12 %.
Steti à senta à Paule Graziani, a prisidenti di u situ Cismuntincu di i Restos du Cœur.
Sur le même sujet
