Bastia : le projet originel de l'îlot de la Poste tombe à l'eau, l'opposition perplexe face aux perspectives de reprise du chantier
Via un raportu d’infurmazioni curtu, è distribuitu à l’ultimu mumentu in cunsigliu municipali, a cità di Bastia hà datu cunfirma ch’iddu era abandunatu u prughjettu primu di l’isulottu di a Posta. Issendu passatu u tempu par spona u permessu di custruì, a SAS Antoniotti, chì duvia cumprà a impresa immubiliari par 3,2 miliona, hà infurmatu marcuri – via un currieri – a cità di Bastia di i so diffciultà di finanzamentu.
In issu prughjettu ci duviani essa alloghja, cumerci, un albergu, i lucala novi di Via Stella, è ben’intesa u scagnu pustali.
Fatta fini si ni duvaria ghjunghja à una sciolta cunsinsuali di l’affari. Eppuri, a maiurità municipali pensa chì u prughjettu hè ghjustu attimpatu, è studiighja una ripresa in diretta, o ancu un partinariatu trà publicu è privatu via una SPL o una SEMOP.
Pierre Savelli, u merri di Bastia, ùn vol’senta parlà di fiascu.
Presa à u sumbrettu, l’uppusizioni ùn l’hà tantu cuntrastatu, issu raportu d’infurmazioni.
Eppuri, par Julien Morganti, issu prughjettu, com’è tanti altri innanzi, hè u simbulu di a incapacità di a municipalità à purtà li à termini.
U capifila di « Un futur pour Bastia » pensa ancu ch’iddi sò piriculosi, i suluzioni imaginati da ripiddà issu prughjettu.
Steti à senta à Julien Morganti.
Jean-François Paoli, chì riprisenta u gruppu Unione per Bastia di Jean Zuccarelli, hè toccu ancu iddu da un beddu dubità.
U cunsiglieri municipali d’uppusizioni voli metta in risaltu un veru fiascu di a maiurità municipali, è ni rigreta ancu a poca cumunicazioni.
Steti à senta à Jean-François Paoli.
