Bastia : le COSEC de l'Arinella en pleine rénovation
A cumunità d’agglumirazioni bastiaccia hè par finiscia lu, u so prugrama di rinuvera di l’attrazzi spurtivi, avviatu dipoi u 2020.
Dopu à i COSEC di Furiani, Pepito Ferretti è u cumplessu Roger Poggi, tocca avali à u COSEC di l’Arinella d’essa ripresu bè da dà li un fiatu novu à issa struttura, bedda anziana dighjà.
Spuddatoghji novi, tetti è rivistimenti cambiati da middurà l’isulazioni di a sala principali, intittera di u tarrenu di fora è criazioni d’un muru d’appichjera… eccu u prugrama d’issa prima fasi di travadda, chì duvaria custà 2,2 miliona.
Dopu à quista, chì a so fini hè privista par sittembri, si n’attaccarà una siconda pà u tarrenu d’atletismu à torru, chì sinu ad avali appartinia à a Cullittività di Corsica.
A pista n’hà da essa rifatta à novu, è forsa ci ni sarà ancu pà altri disciplini.
Cuntendu tuttu, si ni ghjunghjaria à 4,1 miliona.
Ùn c’era arti di sfrancà si ni d’issa rinuvera, chì sò tanti i squadri spurtivi à ghjuvà si d’issa struttura. Quissi t’avarani ancu una casa di l’associ missa à a so dispusizioni, è a spartarani cù parichji sculari.
Steti à senta à Louis Pozzo di Borgo, u prisidenti di a CAB.
Sur le même sujet
