Bastia : la vente de l'ilot de La Poste adoptée en conseil municipal, l'opposition vent debout
In fin’di sittimana passata, u cunsigliu municipali di Bastia hà validatu a vendita di l’isulottu lla posta à un gruppu d’impresi.
A vendita si hè fatta par 3,2 miliona d’auri, un pocu da suttu à a valutazioni pruposta da france Domaines. Ma u prugramma pà iss’isulottu hè aghjà difinitu.
U scagnu pustali sarà mantinutu, ci sarani i lucala novi di france 3 Via Stella, un albergu di 60 camari à i dui ultimi piani, 56 alloghja trà i quali sei à prezzi tinuti, 800m² di cumercia, 2 000 m² di scagni è 300 piazzi di staziunamentu suttarraniu.
A municipalità bastiaccia avia compru l’isulottu par 3,8 miliona d’auri. Ancu puri ch’idda perdi 600 000€, si pudaria rimpattà cù i tassi è impositi prudutti da u prughjettu.
Di pettu à un’uppusizioni chì hà vutatu contru à issa vendita è un prughjettu ch’idda vidi pocu chjaru, Pierre Savelli parla d’un prughjettu difinitu bè, è chì pudaria cumincià in principiu llu 2023.
Steti à senta u merri di Bastia.
I dui gruppi d’uppusizioni ùn ani vutatu issa vendita. L’eletti di « L’Unione Pè Bastia » ani dittu chì l’affari ùn era chjaru, nè di forma nè di fundu.
Hè statu ancu cuntistatu u prezzu lla vendita, ma dinò u staziunamentu di 300 piazzi, parvia llu passaghju llu Fangu in i circonda.
Più chè un mancu d’ambizioni, hè a poca chjarura ch’iddu dinuncia François Tatti, acerbu quand’iddu parla lla maiurità municipali o tarrituriali chì, à senta lu, ùn faria, idda, ciò ch’idda dumanda à i so avvirsarii pulitichi.
Steti à senta à François Tatti.
Sur le même sujet
