Bastia : la nouvelle pouponnière inaugurée
Aparta dipoi frivaghju, a ciucciaghja nova di Bastia hè stata inaugurata arimani.
Gramazia à 1,2 miliona di travadda finanzati da a Cullittività di Corsica, hà pussutu lacà i so lucala vechji di a Citadella par piddà a dirizzioni di un bastimentu novu, ghjustu à torru à a casa Bella Vista, didicata à ziteddi è zitiddoni.
A struttura pò riceva quatordici ziteddi, da i criaturi sinu à quiddi di trè anni, piazzati da a ghjustizia. Par disgrazia, ziteddi di quissi ci n’hè sempri di più, ch’insignani parenti beddi ghjovani o chì sò à straviera.
Ben’intesa, hè di gran’primura ch’idda ci sichi issa struttura, ma comu si pudarà fà da ch’idd’ùn ni ghjunghini à issi punti i parenti, chì beddu à spissu sò mammi soli ?
Steti à senta à Bianca Fazi, a cunsigliera esecutiva in carica d’issi cartulari.
Pà i parsunala, dipoi frivaghju, i cundizioni di travaddu sò cambiati in tuttu, è pà u meddu : novi è più spaziosi, issi lucala permettini d’assicurà issa missioni di manera più serena.
Hè cusì chì l’accolta di i parenti, pà i visiti ch’idda pò cunceda a ghjustizia, si faci in cundizioni ottimi.
Steti à senta à Christel Ellie, a capisirviziu.
Sur le même sujet
