Bastia : la médiathèque de l'Alboru va devenir plus inclusive pour les enfants handicapés ou atteints de troubles du comportement
Pà i parenti di ziteddi tocchi d’infirmità, disturbi autistichi o iperattivi, hè un veru grattacapu, è ancu certu volti un crepacori, par porghja a cultura à i so fiddoli.
Par ch’iddi a poschini tuccà quant’è l’altri, a cità di Bastia, in cullaburazioni incù u ritturatu è a MDPH, l’hà da fà più inclusiva a so mediatecca di l’Alboru, in Lupinu.
Pà i infirmità fisichi, era aghjà accunciatu u locu. Oramai, s’avvirsarà à l’altri difficultà.
L’agenti ani da essa sinsibilizati à l’accolta d’issi ziteddi, è ci sarà u matiriali pidagogicu missu à dispusizioni di i prufissori pà i surtiti sculari. Pà i ziteddi iperattivi, sò ancu privisti cuscini apposta pà sfucà si.
L’ughjittivu – ancu puri sè a spirienza hè adatta à i so particularità – hè di permetta à issi ziteddi di senta si pari à l’altri.
Steti à senta à Jocelyne Casta, in carica di i mediatecchi à a municipalità di Bastia.
U ritturatu si rallegra ch’iddu ci sichi un dispusitivu cumpagnu, chì insigna una vera evuluzioni in a manera di trattà issi publichi.
Steti à senta à Bruno Bénézech, ispittori d’accademia in Cismonti.
Sur le même sujet
