Bastia : la masse salariale du CCAS au centre d'un échange vif entre majorité et opposition
Mentri l’ultimu cunsigliu municipali, in Bastia, hè stata vutata a suvvinzioni di funziunamentu llu CCAS, u centru cumunali d’azzioni suciali. Ma ci hè statu un beddu dibattitu, ind’iddu si hè parlatu di u so bughjettu.
Pà l’uppusizioni, è masimu pà Jean-Sébastien de Casalta, più passani l’anni, è più u bughjettu llu CCAS ghjova à pagà l’agenti – sempri più numarosi – inveci di ghjuvà à aiutà a pupulazioni.
Jean-Sébastien de Casalta, chì parla d’una crescita di 104 % lla massa di i misati dipoi u 2018, poni a quistioni di u cliintilismu lla maiurità bastiaccia.
Steti lu à senta.
Pierre Savelli, u merri di Bastia, dici ch’iddu hà sceltu di favurizà l’azzioni di tarrenu è i dispusitivi da aiutà indirittamenti i parsoni in situazioni di pricarità. A pulitica chì si ni và tutta in aiuti ùn hè a bona, à senta lu.
Pierre Savelli ricusa l’accusazioni di cliintilismu : dici chì tutti issi parsoni ingagiati sò ghjustificati da i tanti missioni di u CCAS. Masimu chì avali, issa struttura hà ripresu u centru suciali François Marchetti, ch’innanzi era gistitu da a CAF.
Steti à senta à Pierre Savelli.
