Bastia : la mairie met en place des points de collecte des biodéchets et généralise les sacs de tri pour les fêtes
Mairie de Bastia
A mirria di Bastia hà missu in anda uni pochi d’azzioni, da fà ch’idda sichi menu greva a chjuditura llu centru di suttarramentu di Vighjaneddu mentri issi festi.
Aghjustendu si à quiddu llu marcatu, ci sò oramai setti punti d’accolta lli scarti biulogichi : daretu à a mirria, à u spidali di Toga, porta Santa Maria in citadella, à a casa di l’anziani in San’Ghjisè, à a Casa lli Sirvizia publichi è à a sala pulivalenti di Lupinu, è ancu à u parcu Mandela in Montesoru.
In quantu à l’accolta lli sacchi giaddi, hè stata stesa à quartieri ind’idd’ùn ghjunghji di regula : Lupinu, Montesoru, Paese Novu, L’Annunziata, Sant’Antonu è San’Ghjisè. Issi sacca, com’idda si faci in cor’di cità, poni essa sposti davanti à i palazzi.
A mirria distribuisici in i scatuli à lettari dui sacchi giaddi è un saccu pà i scarti biulogichi. U merri di Bastia dici ch’idd’hà mandatu dinò un currieri à François Tatti, u prisidenti lla CAB è llu SYVADEC, da chera li un sustegnu lugisticu, chì l’accolta lli scarti ùn hè una cumpitenza lla cità di Bastia.
Sur le même sujet
