Bastia : la fermeture administrative d'un bar pour un attroupement devant ses portes suspendue après une mobilisation
Abitanti è cumircianti si sò accolti luni in Bastia, da sustena un stabilimentu custrettu à chjuda. À torru à iddi, c’erani parichji eletti : u diputatu Jean-Félix Acquaviva, Pierre Savelli u merri di Bastia, è l’eletti municipali d’uppusizioni Jean-Sébastien de Casalta è Julien Morganti.
Di fatti, « La Brasserie de la Gare » si hà buscu una sittimana di chjuditura amministrativa, parvia di i troppi parsoni chì ci si accuddiani, mentri ch’iddu vindia caffè à purtà si, da sett’ori di mani à dui ori llu dopu meziornu.
Pà i stessi raghjoni, i puteri publichi t’ani in unca altri stabilimenta.
Ma tuccarà à i caffittaghji à fà sbandà i so clienti, dopu ch’idd’achini compru i so biendi ?
L’UMIH lla risturazioni di Corsica ùn la pensa cussì : dici ch’idd’ ùn tocca à i caffittaghji à fà a pulizza.
Steti à senta à Frédéric Ruiz, à nomu di l’UMIH lla risturazioni di Corsica.
Ricivuti in fin’di dopu meziornu da u prifettu llu Cismonti, i giranti di u stabilimentu, accumpagnati da riprisintenti lla CCI è di l’UMIH, ani dittu chì viziu da parti soia ùn ci n’era. Soca ani cunvintu, i so argumenti, postu chì u prifettu hà suspesu a chjuditura amministrativa.
