Bastia : l'illettrisme et l'illéctronisme au centre d'une journée
Ghjovi, à u centru suciali François Marchetti di Bastia, c’era una ghjurnata urganizata à intizioni di i parsoni in situazioni d’illittarismu o d’illelettrunismu.
Sò stati missi in anda attività par sdramatizà issa forma di svantaghju suciali, ma ancu par dà i mezi d’escia da issa situazioni.
In Corsica, sò tocchi 14 000 parsoni da l’illittarismu.
U sciffru hè altu monda quand’iddu si parla d’illelettrunismu, iss’incapacità à ghjuvà si di a infurmatica in i so dimarchji : tandu sariani tocchi 75 000 parsoni.
Hè indispinsevuli, à senta ni u prifettu llu Cismonti, d’aiutà issi parsoni chì à spissu patini à tempu svantaghju suciali è puvartà. Senza cuntà chì, tanti volti, hè a puvartà causa d’issu svantaghju.
Steti à senta à Michel Prosic, u prifettu llu Cismonti.
Pôle Emploi era riprisintatu à issa ghjurnata.
À chì circa travaddu, l’illittarismu è l’illelettrunismu poni à veru fà si svantaghji, ch’idda sichi par chera u impiecu o par riescia i missioni dati da u impiicatori.
Pôle Emploi metti in anda, par ciò chì li tocca, azzioni da aiutà à quiddi chì, circhendu un travaddu, sò in issi situazioni.
Steti à senta à Michel Castelli, u dirittori aghjuntu di Pôle Emploi in Corsica.
