Le Direct

Bastia : l'augmentation des tarifs des cinq parkings payants fait grincer des dents l'opposition

Hè statu grevu l’ultimu cunsigliu municipali di l’istati in Bastia. Hè statu vutatu u bugettu primu, è si hè parlatu di a crescita lli prezza llu staziunamentu, pà i cinqui parchi lla rigia autunuma lla cità di Bastia.
Cacciati i voti – contru ben’intesa – di i dui gruppi di l’uppusizioni, a crescita hè stata vutata. Si farà in dui volti : u 1u di sittembri, po’ u 1u di luddu llu 2021.
Ad oghji, un’ora di staziunamentu costa 1€50. Di sittembri, passarà à 1€80 è di luddu llu 2021, à 2€.
In quantu à l’abunamentu, hà da passà da 62 à 65 € à mesi.
Pà l’uppusizioni, issa crescita pisarà à nantu à l’attrattività llu centru cità bastiacciu.

Steti à senta à Julien Morganti.

Pierre Savelli, u merri di Bastia, ghjustifichighja issa crescita cù l’apartura di u parcu di staziunamentu Gaudin è cù i quattru impiechi ch’iddu cheri, ma ancu cù a nicissità di rimettà si à liveddu di i cità di stessa impurtanza.

Steti à senta à Pierre Savelli.