Bastia Corsica 2028 : la candidature à la capitale européenne de la Culture connaîtra son avenir fin février
Luni, una diligazioni lla cità di Bastia si n’hè mossa à u ministeru francesu lla cultura, da spona ci ufficialmenti u cartulari « Bastia Corsica, capitali aurupeana lla cultura 2028 in francia ».
N’hà prufittatu, a municipalità bastiaccia, par invità stituziunali è attori culturali, da fà u puntu à nantu à a issa candidatura.
Candidaturi, ci n’hè ottu altri, Bastia issendu forsa a più chjuca trà quissi : Nizza, Montpellier-Sète, Saint-Denis, Reims, Amiens, Clermont-Ferrand-Auvergne, Bourges è Rouen.
U 27 di frivaghju, un cumitatu indipindenti aurupeanu hà da aiutà u ministeru lla cultura à scedda i candidaturi à ritena pà a finali. Duvariani essa da dui à quattru.
Pierre Savelli, u merri di Bastia, ci vol’creda. D’ugni manera, issa candidatura, qual’ch’iddu sichi u so distinu, una bedda stampa l’hà aghjà lacata.
Steti lu à senta.
Chì ni sarà d’issa silizzioni di u 27 di frivaghju ? Qualissi sarani i forzi di a candidatura bastiaccia ?
Steti à senta à Pierre Lungheretti, u cumissariu ginirali lla candidatura.
